Владимир Андрианович Уляшев

28.07.1902–1951

Уроженец с. Вольдино.

На Великую Отечественную войну призван в мае 1942 г., рядовой.

Демобилизован в январе 1946 г.

«Книга памяти Республики Коми», том 6, стр. 818

Владимир Андрианович Уляшев чужлöма Помöсдiн увса Вöльдiн грездын 1902-öд вося июль 28-öд лунö гöль крестьяна семьяын.

1924–1925-öд воясын начитаннöй, политически грамотнöй морт юралöма Помöсдiн сиктсöветöн. 1926-öд тöв шöр тöлысьын босьтöмаöсь Сыктывкарса НКВД-ö, кöнi уджалöма 1928-öд вося октябрöдз.

1929–1930-öд воясö веськöдлöма Чудью дорса тракторнöй базаын коннöй обозöн.

1931-öд воын вöлi колхозъяс организуйтысьяс лыдын. Первойсö чужис кык колхоз («Туган» – председатель Дмитрий Иванович Уляшев, «Эжва йыв» – председатель Иван Александрович Уляшев). Бöрынджык öтувтчисны «Вöр фронт» колхозö, и кутiс веськöдлыны Владимир Андрианович. Сылöн век вöлiны книгаяс да журналъяс, В.И.Ленинлöн 25 том, мыйöн и руководствуйтчылiс уджалiгас.

Война вылö нуисны 1942-öд вося май тöлысьö. Веськалiс Ленинградскöй фронт вылö. Ленинград вöлi блокадаын. Пулковскöй высота дорйигöн ранитчис. Фронт вылö эз нин шогмы, но ыстiсны сiйöс тылö, Архангельск обласьтса Цигломен военнöй вöр заводö. Сэнi грузитiсны английскöй суднояс выль пиломатериалöн.

Сиктö воис сöмын 1946-öд вося тöв шöр тöлысьын. Уджалiс Вöльдiн сиктсöветса председательöн.

Эмӧсь Отечественной войнаса орден да «За оборону Ленинграда» медаль.

Кулiс 1951-öд воын трагическöя.

Менам паметьö кольöма веськыд мортöн, некод водзын эз лицемеритлы, но сiйöс ёна пуктiсны пыдди. Кулöм бöрас гортсö нуисны кияс выланыс гу дорöдзыс. Весиг карбас вылас эз пуктывлыны.

                                                                                                               М.Ф.Трошева (дӧва)